Есімдер

Әріптер (Алфавит): А

  • Асан

    Араб тілінен: жақсы, көркем, қайырымды. Көбіне егіздің сыңарына (Асан-Үсен) немесе өмірі жеңіл, жақсы болсын деген ниетпен қойылады.

  • Ағлия

    Грек тілінен аударғанда: сұлулық, көркемдік, сән-салтанат, жарқыраған ажар. Өте ажарлы, көркем қыз деген ұғымды береді.

  • Адам

    Адамзаттың атасы, топырақтан жаралған деген мағынада. Араб тілінде де «адам» түсінігімен бірдей. Адамгершілігі мол, парасатты, нағыз адам болсын деген тілек.

  • Адиба

    Араб тілінен аударғанда: әдепті, тәрбиелі, оқымысты, жазушы әйел. Әдептілік пен білімділіктің, мәдениеттіліктің нышаны ретінде қойылады. Түрі — Әдиба.

  • Абдуғани

    Араб тілінен: Абд (құл) + Ғани (бай). Алланың құлы. Аса бай, мұқтажсыз Алланың құлы деген мағынаны береді. Фонетикалық нұсқасы — Әбдіғани.

  • Абдулғазиз

    Араб тілінен: Абд (құл) + Азиз (қадірлі, құрметті). Мағынасы: Аса қадірлі, құдіретті Алланың құлы. Сирек кездесетін, бағалы жан болсын деген тілек. Фонетикалық нұсқасы — Әбдіғазиз.

  • Абдухалиқ

    Араб тілінен: Абд (құл) + Халиқ (жаратушы). Барлық нәрсені жоқтан бар етуші Жаратушы Алланың құлы.

  • Абдухамит

    Араб тілінен: Абд (құл) + Хамит (мақтаулы). Мақтауға лайықты Алланың құлы.

  • Аба

    Араб тілінен: 1) жүннен тоқылған шекпен тәрізді сыртқы киім. Н. Ондасыновтың сөздігі бойынша: «Отқа күймейтін, суға батпайтын Аба бұл құлаудан да еш жеріне жарақат түсірмеді» (С. Мұқанов). 2) Ата, әке мағынасында да қолданылады.

  • Абай

    Мағынасы: абайлау, байқағыш, ойшыл, дана және сақ. Жазушы Мұхтар Әуезов бұл есімді «наблюдатель», «предусмотрительный», «мыслитель» деп түсіндіреді. Түркі (тува, татар) тілдеріндегі «абыгай» (аға, көке) сөзімен төркіндес. Нағыз есімі — Ибраһим. Ұлы ақын Абай Құнанбаевтың құрметіне ең жиі қойылатын есім. Анасы еркелетіп қойған есім ретінде тарихқа енген.