Есімдер

Әріптер (Алфавит): А

  • Ақсұңқар

    Ақ + Сұңқар (қыран құс). Өте алғыр, қырандай өткір, биіктерден көрінетін ержүрек азамат болсын деген тілек.

  • Ақылжан

    Ақылымен елге танылатын, жаны таза парасатты жан. Сұлулық пен ақылды біріктірген есім.

  • Ақынбек

    Ақын (өнерпаз, сөзге шешен) + Бек (мықты). Сөзге шешен, өнерлі әрі беделді азамат болсын деген ниетпен қойылады.

  • Аманбол

    Тілек есім. «Әрқашан аман-есен бол, ауырма, көп жаса» деген мағынаны білдіреді. Баласы тоқтамаған үйлерде қойылатын ырым есім.

  • Аманқос

    Аман (саулық) + Қос. Өмірге аман-есен қосылды, есендігімен әулетті қуантты деген мағынада беріледі.

  • Арип

    Араб тілінен: білгір, түсінгіш, дана, данышпан. Фонетикалық нұсқасы — Әріп. Ондасынов бойынша: «көзі ашық, оқымысты жан».

  • Арқабай

    Арқа (сүйеніш, тірек) + Бай. Еліне сүйеніш, тірек болатын, арқасүйер азамат, дәулетті адам болсын деген ниет.

  • Арыс

    Мағынасы: арыс — ел тұтқасы, рудың немесе елдің тірегі болған ірі тұлға. «Арыстай азамат» деген ұғыммен үндес.

  • Асаубай

    Асау (қайратты, асау аттай еркін, беті қайтпас) + Бай. Ешкімге бас имейтін, еркіндікті сүйетін, мінезі өткір қайсар жан болсын деген тілек.

  • Асқарбек

    Асқар (биік тау) + Бек. Мәртебесі таудай биік, беделді де мықты азамат. Тұғыры биік тұлға болсын деген мағына.