Араб тілінен аударғанда: әдепті, тәрбиелі, оқымысты, жазушы әйел. Әдептілік пен білімділіктің, мәдениеттіліктің нышаны ретінде қойылады. Түрі — Әдиба.
Әріптер (Алфавит): А
-
Абдуғани
Араб тілінен: Абд (құл) + Ғани (бай). Алланың құлы. Аса бай, мұқтажсыз Алланың құлы деген мағынаны береді. Фонетикалық нұсқасы — Әбдіғани.
-
Абдулғазиз
Араб тілінен: Абд (құл) + Азиз (қадірлі, құрметті). Мағынасы: Аса қадірлі, құдіретті Алланың құлы. Сирек кездесетін, бағалы жан болсын деген тілек. Фонетикалық нұсқасы — Әбдіғазиз.
-
Абдухалиқ
Араб тілінен: Абд (құл) + Халиқ (жаратушы). Барлық нәрсені жоқтан бар етуші Жаратушы Алланың құлы.
-
Абдухамит
Араб тілінен: Абд (құл) + Хамит (мақтаулы). Мақтауға лайықты Алланың құлы.
-
Аба
Араб тілінен: 1) жүннен тоқылған шекпен тәрізді сыртқы киім. Н. Ондасыновтың сөздігі бойынша: «Отқа күймейтін, суға батпайтын Аба бұл құлаудан да еш жеріне жарақат түсірмеді» (С. Мұқанов). 2) Ата, әке мағынасында да қолданылады.
-
Абай
Мағынасы: абайлау, байқағыш, ойшыл, дана және сақ. Жазушы Мұхтар Әуезов бұл есімді «наблюдатель», «предусмотрительный», «мыслитель» деп түсіндіреді. Түркі (тува, татар) тілдеріндегі «абыгай» (аға, көке) сөзімен төркіндес. Нағыз есімі — Ибраһим. Ұлы ақын Абай Құнанбаевтың құрметіне ең жиі қойылатын есім. Анасы еркелетіп қойған есім ретінде тарихқа енген.
-
Абадан
Парсы тілінен аударғанда: гүлденген, абат, жайлы, берекелі. Қазақ тіліндегі ауыспалы мағынасы — ең мықты, көшбасшы, айбатты (мысалы, қасқырдың абаданы). Күшті, мықты болсын деген ниетпен қойылады.
-
Абаш
Аббас есімінің қазақша еркелетіп айтылатын түрі. Мағынасы: қатал, айбатты, арыстан.
-
Аббас
Араб тілінен аударғанда: қатал, қабаған, айбатты, арыстан. Көбіне батыл, қайсар, жаужүрек болсын деген ниетпен қойылады. Сондай-ақ, «Ғаббас» нұсқасы да кездеседі.